საქართველოს ეკონომიკისა და მდგრადი განვითარების სამინისტროს სსიპ სახმელეთო ტრანსპორტის სააგენტოს მხრიდან სასწავლო ცენტრის სტატუსის მინიჭების პროცედურების წარმატებით გავლის შედეგად,
საგზაო ტრანსპორტის აკადემიას მიენიჭა უფლებამოსილება მოამზადოს სატვირთო და სამგზავრო გადაზიდვებში ჩართული პირები შემდეგი მიმართულებით:

• ტაქოგრაფის - მძღოლის შრომისა და დასვენების რეჟიმები მძღოლებისთვის
• ტაქოგრაფის - მძღოლის შრომისა და დასვენების რეჟიმები კომპანიის მენეჯერებისთვის
• სახიფათო ტვირთების გადაზიდვის საბაზო კურსი
• სახიფათო ტვირთების გადაზიდვა ცისტერნით

გაცნობებთ, რომ მიმდინარე წლის 4 აგვისტოს საქართველოს საავტომობილო გადამზიდავთა ასოციაციისა და შპს სასწავლო და საგამოცდო ცენტრი-პტი-ს მიერ დაფუძნდა, შპს სასწავლო კვლევითი ცენტრი „საგზაო ტრანსპორტის აკადემია“, რომლის საქმიანობის ძირითად მიზანს წარმოადგენს საერთაშორისო და ადგილობრივ გადაზიდვებში (სატვირთო, სამგზავრო) ჩართული პირების პროფესიული მომზადება, გადამზადება და კვალიფიკაციის ამაღლება. ცენტრი აღჭურვილია თანამედროვე, საერთაშორისო სტანდარტების შესაბამისი, სასწავლო აუდიტორიებით, საერთაშორისო აკრედიტაციის მქონე ინსტრუქტორებით, ელექტრონული საგამოცდო ტექნიკით და პროგრამებით.

2021 წლის ოქტომბრის თვეში სასწავლო კვლევითმა ცენტრმა „საგზაო ტრანსპორტის აკადემიამ“ მოიპოვა საერთაშორისო აკრედიტაცია საავტომობილო ტრანსპორტის საერთაშორისო კავშირის (International Road Transport Union - IRU) აკადემიის მიერ, აღნიშნული ორგანიზაცია მდებარეობს შვეიცარიაში და აერთიანებს 60 ქვეყნის 150-ზე მეტ ასოციაციასა და კავშირს, აღსანიშნავია, რომ აკრედიტირებული სასწავლო ცენტრის მიერ გაცემული სწავლების დამადასტურებელი დოკუმენტი აღიარებულია ევროპის, როგორც წევრ ასევე, არაწევრ ქვეყნებში.

საერთაშორისო აკრედიტაციის პროცედურების გავლის შედეგად, საგზაო ტრანსპორტის აკადემიას მიენიჭა უფლებამოსილება მოამზადოს სატვირთო და სამგზავრო გადაზიდვებში ჩართული პირები, ტაქოგრაფის - მძღოლის შრომისა და დასვენების რეჟიმების მიმართულებით. მომზადების შედეგად გაიცემა IRU საერთაშორისო სერტიფიკატი.

კურსზე რეგისტრაცია